විදුහල්පති පණිවිඩය

 

කැකිරාව අධ්‍යාපන කලාපයේ පලාගල අධ්‍යාපන කොට්ඨාසයට අයත් පළාත් මායිම් තුනකට මැදිව අති දුෂ්කර ගමනක යෙදුණු අති දුෂ්කර පෙදෙසක උමැප/ අනු/ කැකි/ පලා/ කළුගල විද්‍යාලය පිහිටා ඇත. වර්ෂ 1994 පෙබරවාරි 01 වන දින සිසුන් 40 කින් ප්‍රාථමික පාසලක් ලෙස ආරම්භ වී 2016 වන විට ශිෂ්‍ය සංඛ්‍යාව 252 දක්වා ද පන්ති ප්‍රමාණය 11 දක්වාද වර්ධනය වී ඇති අතර මේ වන විට 02 වර්ගයේ පාසලක් බවට පත්ව ඇත. එක් විදුහල්පතිවරයෙකුගෙන් හා එක් ගුරුවරයෙකුගෙන් ආරම්භ වූ කළුගල විදුහලේ මේ වන විට ගුරු මණ්ඩලයේ 20 දෙනෙකු සේවය කරනු ලබයි. මේ දක්වා මෙම පාසලේ සේවය කල ගුරු මණ්ඩලයේ සියලුම දෙනාගේ මෙන්ම දෙමාපිය සහ සිසු දරු දැරියන්ගේ කැප වීම මත කළුගල විද්‍යාලය කැකිරාව අධ්‍යාපන කලාපයේ දිදුලන පාසලක් බවට පත්ව ඇති බව ඉතා සතුටෙන් සඳහන් කිරීමට කැමැත්තෙමි. 2023 වර්ෂයේ වත්මන් විදුහල්පති තනතුරට පත් වූ දින සිට අභියෝග රැසකට මුහුණ දීමට සිදු වුවත් භෞතික හා අධ්‍යාපන ඉලක්ක සපුරා ගැනීම තුලින් සාරධර්ම වලින් සපිරි නැණවත් දරු පිරිසක් බිහි කිරීම මගේ ඉදිරි ඉලක්ක ලෙස සඳහන් කරමි.

 

විදුහල්පති,

උමැප/අනු/කැකි/පලා/ කළුගල විද්‍යාලය