පාසල් ගීතය

කළුගල අප විදුහල් මෑණී

ඔබ වේ අප සරසවි දෝණී

දන මන පොබයන ජනපද සිළුමිණ

චිරං ජයතු විදුහල් මෑණී.........//

කෙත් වතු සාරයි වැවි දිය මිහිරයි

නිල් කඳු යායයි මනහාරයි

වන මල් වියනයි මී පැණි සුවඳයි

විදුහල් බිම අති රමණීයයි .....//

ඉසුරින් සපුරැණ රුසිරෙන් දිදුලන

සුදනන් නිවසන ජනපදයේ

ගුණදම් අගයන වියතුන් බිහිවන

සරසවි පින් බිම අප සැමගේ......// 

         

ගුණ මිණි පහනකි සිප්කිරි සයුරකි

සදා දිලෙන විදුහල් අම්මේ

දින දින දියුණට පියවර ඔසවන

ඔබෙ නම සුදිලෙයි ලක් දෙරණේ .....//

 කළුගල අප විදුහල් මෑණී........//